ATBAF ABRAK

( افتاب اکبر )

wo or khyal unka hi ab ass pass hai

wo or khyal unka hi ab ass pass hai

یادوں کی بھیڑ میں بخوشی سنگسار ہے
جو بھی ملا یہاں پہ وہی سوگوار ہے

لگ کر گلے سے جس کے تو رویا ہے عمر بھر
جانے وہ خود ہے غم یا ترا غم گسار ہے

دل بھی ہمارا ہم سا ہی سادہ ہے بے زباں
ٹوٹا ہزار بار مگر برقرار ہے

وہ اور خیال ان کا ہی اب آس پاس ہے
کیا خوب زندگی میں مری اختصار ہے

اب یاد کیا دلاتے کسی بیوفا کو ہم
توڑا تھا جس کا دل یہ وہی خاکسار ہے

بہتر یہی ہے گزری کو بس دفن کیجئے
جس سے کہیں گے حال وہی اشتہار ہے

پھر کیوں ہمیں نہ ہو یہاں مرنے کی آرزو
جب جیتے جی بھی زندگی کا انتظار ہے

ٹوٹے ہیں خواب کتنے امیدیں فنا ہوئیں
بس ایک شے یہ عشق ہے جو پائدار ہے

اس کے ہی دل پہ کرتا نہیں بس کوئی اثر
ویسے تو جو بھی لکھتا ہے وہ شاہکار ہے

گر لوگ بے وفا ہیں تو ابرک ہے باوفا
رشتہ اسی اصول پہ تو استوار ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اتباف ابرک