ISLAMIC POETRY

Ishaq e RASOOL kya hai, ALLAH se loh lgata

4 line urdu poetry images islamic

عشقِ رسول ﷺ کیا ہے , اللہ سے لو لگانا 
مومن کی روح ڈھلنا , قرآں کو راہ کرنا

عشقِ رسول ﷺ کیا ہے , حق کو حیات کرنا
فرقوں میں بٹ نہ جانا ، امت کو ایک رکھنا

عشقِ رسولﷺ کیا ہے , قائم نماز کرنا 
لازم زکوۃ دینا , ہر بت کو پاش کرنا

عشقِ رسول ﷺ کیا ہے , رزقِ حلال کھانا 
سود اور حرام سے بھی اولاد کو بچانا

عشقِ رسول ﷺ کیا ہے , اہلِ زمیں سے جڑنا 
ہر اک کی خیر بننا , مشکل میں کام آنا 

عشقِ رسول ﷺ کیا ہے , رشتوں کو یاد رکھنا 
ماں باپ کی اطاعت , ان کا خیال رکھنا

عشقِ رسول ﷺ کیا ہے , ترکِ گناہ کرنا
ہر شرک، شر ، برائی کے پاس تک نہ جانا

عشقِ رسول ﷺ کیا ہے ,نیت کو صاف رکھنا
اس زندگی کا محور , خوفِ خدا بنانا

عشقِ رسول ﷺ کیا ہے , درود و سلام کہنا 
لفظوں سے آگے بڑھ کے , سنت پہ ان کی چلنا

……………………………………………اتباف ابرک