ATBAF ABRAK

( افتاب اکبر )

Aye Khuda jub toh rubaro kerna

Aye Khuda jub toh rubaro- Islamic urdu poetry

اے خدا جب تو روبرو کرنا
اپنے بندے کو سرخرو کرنا

تو ہے نزدیک میری شہ رگ سے 
کاش آ جائے گفتگو کرنا

تیرے ہاتھوں میں فیصلے سارے
کام میرا ہے جستجو کرنا

چاک دامن ہے، تو عنایت کر
مجھ کو آتا نہیں رفو کرنا

بر محل پُر اثر دعا دیدے 
سیکھ بیٹھا ہوں بس غلو کرنا

جن سے تو خوش ہے جو ہیں تجھ سے خوش
مجھ کو ان جیسا، ہو بہ ہو کرنا

پھر سے ابرک ہے سر جھکائے ہوئے
پھر سے حاجت ہے، قبلہ رو کرنا

……………………………….. .. اتباف ابرک